Time indefinite
Ross McElwee, 1993
114’. Vídeo. Subt. castelán.
TIME INDEFINITE
(Estados Unidos, 1993)
Dirección, produción e fotografía: Ross McElwee. Duración: 114 min. McElwee leva aínda máis lonxe a exploración autobiográfica, familiar, así como a querenza honesta polos grandes temas. A morte dun pai e dunha avoa, unha voda e o nacemento dun fillo; como observa McElwee, todo comeza e todo remata na familia. E os momentos intranscendentes resultan ser os máis importantes, como o intre en que o pai do director decide coller a cámara de seu fillo ou as secuencias en que McElwee decide apagala. Impregnada de humor negro e de profundo pathos, Time Indefinite captura de xeito sublime a inmensa complexidade das emocións humanas.