Tales from the Gimli Hospital

TALES FROM THE GIMLI HOSPITAL
(Canadá, 1988)
Dirección, guión e fotografía: Guy Maddin. Produción: Extra Large Productions. Intérpretes: Kyle McCulloch, Michael Gotti. Duración: 70 minutos.
Primeira longametraxe de Maddin (Winnipeg, 1956), baseada en lendas orais ancestrais islandesas. O autor transmite a súa paixón polos filmes mudos, a propia influencia de dous dos seus grandes mestres, Murnau e Wiene. En Islandia unha estraña plaga contaxiosa propágase sen remedio. Un home é internado no Hospital Gimli xunto a un tipo coa vista mermada. Unha moza morta e unhas máxicas tesoiras crean un enorme odio entre os dous doentes.