Si quiero silbar, silbo

EU CAND VREAU SA FLUIER, FLUIER / SI QUIERO SILBAR, SILBO
(Romanía-Suecia-Alemaña, 2010)
Dirección: Florin Serban. Guión: Catalin Mitulescu e Florin Serban, sobre a obra de Andreea Valean. Produción: Strada Film, Film i Väst e The Chimney Pot. Fotografía: Marius Panduru. Intérpretes: George Pistereanu, Ada Condeescu. Duración: 94 minutos.
Faltan dúas semanas para que Silviu saia dun centro de detención de menores e recibe a visita do seu irmán pequeno, que lle conta que súa nai volveu de Italia e quere levalo a vivir con ela. Silviu ten razóns para tratar de impedir isto por todos os medios. Mentres tanto, namora dunha moza pertencente a un grupo de estudantes de socioloxía que vai ao centro a facer prácticas. Thriller e drama realista cheo de fondura e emoción, obtén o Gran Premio do Xurado en Berlín 2010.