![Sesión Robert Beavers Sesión Robert Beavers](https://filmotecadegalicia.xunta.gal/sites/w_pcgai/files/styles/cover/public/programacion_3186.jpg?itok=9ub_jDRy)
Sesión Robert Beavers
Robert Beavers, 1970-2013
69'. 16mm/35mm.
Sesión ROBERT BEAVERS
LISTENING TO THE SPACE IN MY ROOM / STILL LIGHT / SOTIROS
(Estados Unidos, 2013/1970-2001/1976-1996)
Dirección, produción e fotografía: Robert Beavers. Duración: 69 minutos.
En “Escoitando o espazo. Tres filmes de Robert Beavers”, comisariado por Gonzalo de Lucas, en colaboración con Xcentric (CCCB), veremos tres traballos de Beavers: Listening to the Space in my Room (2013); Still Light (1970/2001); Sotiros (1976-78/1996). Beavers controla persoalmente cada proxección dos seus filmes, que son sempre unha excepción: nesta sesión presentamos a súa última película en diálogo con Still Light e Sotiros, ambas as dúas extraordinarias de ver. Beavers tiña 16 anos cando coñeceu a Gregory Markopoulos, de 37 anos e xa un cineasta reputado, que o animou a deixar a escola e comezar a filmar: xuntos irían pouco despois a Europa, onde Beavers compoñería a súa procura da “filosófica maxestade da imaxe”: “O poder perceptivo do espectador, liberado polos sentidos e non pola empatía dramática, comeza a comprender o que compón o filme e as súas harmonías…”. A obra de Beavers é unha meditación prodixiosa, de extrema meticulosidade, sutileza e emoción, sobre os procesos e materias do cine (o corte, a luz, a emulsión, o son): os acenos artesanais e manuais (da xardinería ou da música) harmonízanse cos acenos da montaxe, ampliando e poetizando a visibilidade dos mínimos eventos.