Sesión 8: A próxima xeración

Sesión 8: A próxima xeración
Grazas á tecnoloxía e a unha crecente industria, facer animación xa non é a odisea que adoitaba ser. A partir dos 90 o número de realizadores multiplícase exponencialmente e cada volta é máis difícil atribuír unha nacionalidade a unha película. Ábrense escolas de animación e tamén as fronteiras con Europa, por tanto resúltanos máis doado estudar e traballar noutros países. Esta sesión reúne una escolma de curtametraxes producidas nos últimos dez anos en España ou por mozos realizadores españois que xa contan con recoñecemento internacional, tales como Rocío Álvarez, Dvein, Blanca Font, Busto e Nicolai Troshinski. A sesión comeza coa estimulante Cada día paso por aquí (2004) de Raúl Arroyo, e inclúe pequenas grandes curtas: o escuro relato en stop-motion Les bessones del carrer de Ponen t (2010), libremente baseado nun personaxe real da Barcelona de hai dous séculos, a quinta entrega de Bendito Machine (2014), do mordaz Jossie Malis, Zepo (2014), unha tráxica historia en animación en area, O Xigante (2012), un conto sobre a paternidade en clave poética, e Princesa china (2014), unha cantiga de berce sobre a reencarnación de Tomàs Bases, un dos nosos autores máis talentosos en 3D.

Cada día paso por aquí, Raúl Arroyo, 2004, 8' 38''
Les bessones del carrer de Ponent, Anna Solanas e Marc Riba, 2010, 13'
Crik-Crak, Rocío Álvarez, France, 2011, 1' 22''
O Xigante, Julio Vanzeler y Luis da Matta, 2012, 10' 35''
Astigmatismo, Nicolai Tronshinky, 2012, 4'
Magma, Dvein, 2013, 1' 28''
The day I killed my best friend, Blanca Font e Busto Algarín, España-UK, 2013, 6' 10''
Zepo, César Díaz Meléndez, 2014, 3' 08''
Bendito Machine V, Jossie Malis, 2014, 11' 54''
Princesa china, Tomàs Bases, 2014, 4' 56''
(Para maiores de 12 anos)