Sesión 6: Humor e masacre

Sesión 6: Humor e masacre
Tras a morte de Franco comeza un período convulso e esperanzado en que o apetito de liberdade e os vellos usos pugnan durante años, e en que o humor gráfico xoga un papel chave, explorando e forzando mesmo os límites da liberdade de expresión. Precisamente a revista El Papus producirá a primeira longametraxe de animación para adultos en 1979, Historias de amor y masacre, feito a base de curtas asinadas polos debuxantes máis corrosivos da época: Óscar, Gila, Ivà, Perich, Chummy Chúmez e Jordi Amorós (JA), este último tamén realizador do conxunto. É a sesión máis incorrecta e combativa do programa. Como non todos os males desapareceron coa Transición, a sesión inclúe outras pezas posteriores de carácter político, social ou sinxelamente “conspiranoico”, que cobren conflitos coma a inmigración, o consumismo, a violencia doméstica, o abuso de poder ou a crise financeira. A modo de suculento aperitivo, incluíronse dúas das curtas máis antigas do noso programa, por tratar de xeito satírico os temas políticos da súa época: La bronca y Cambó i l’autonomia, ambos as dúas datadas arredor de 1918. Os espectadores poderán gozar do traballo de Sam anterior a Pos Eso e de obras tan recentes como a iconoclasta Amor de mono do colectivo madrileño Trimono.

La bronca, Anónimo, 1917, 1' 23''
Cambó i l’autonomia, Anónimo, 1918, 40''
La edad de piedra, Gabriel Blanco con debuxos de Chumy Chúmez, 1965, 11' 09''
Pasión siega (fragmento de Historias de amor y masacre), Jordi Amorós, 1979, 13'
Caracol, col, col, Pablo Llorens, 1995, 12'
Cirugía, Alberto González Vázquez, 2006, 2' 20''
Vicenta, Sam, 2010, 22' 13''
Amor de mono, Trimono, 2015, 4'
(Para maiores de 18 anos)