Rosa

RÓŻA / ROSA
(Polonia, 2011)
Dirección: Wojciech Smarzowski. Guión: Michal Szczerbic. Produción: Studio Filmowe “Tor”. Fotografía: Piotr Sobocinski jr. Intérpretes: Marcin Dorocinski, Agata Kulesza. Duración: 90 minutos.
Verán de 1945. Tadeusz é un excombatente do exército polaco que perdeu todo na guerra. Chega a Masuria para se atopar coa viúva dun soldado alemán cuxa morte presenciou. Soa, nunha granxa enorme, a muller recíbeo con frialdade, aínda que lle permite pasar a noite. A cambio, el axuda nos traballos do campo. Pero Róża, malia non admitilo, precisa moito máis, sobre todo protección contra os bandidos. Tadeusz comprende pouco a pouco as razóns da soidade da muller. No medio dunha paisaxe destruída pola guerra, persoas de mundos afastados comezan a se achegar. Un amor imposible? Galardón ao mellor actor en Fantasporto e gran triunfadora nos premios polacos 2012.