Universo Víctor Erice
Do 16 de setembro de 2023 ao 27 de setembro de 2023
Figura esencial na historia do noso cinema, exemplo vivo tamén das súas grandezas, capacidades de exploración e límites, Víctor Erice (Carranza, Biscaia, 1940) é autor dunha obra reducida ao tempo que apaixonante. A estrea en salas este 29 de setembro do seu último filme, primeira longametraxe en 31 anos, Cerrar los ojos, permite á Filmoteca de Galicia recuperar as tres longas anteriores -El espíritu de la colmena (1973), El Sur (1983) e El sol del membrillo (1992)- como adecuado complemento e observar ademais a particular relación que sempre tivo Erice coa nosa institución, marcada pola súa presenza histórica en diversas actividades, tanto faladoiros como accións de carácter formativo.
Agradecementos: Víctor Erice, María López Moreno, Filmoteca de Catalunya.
Coa colaboración de
