Fóra de serie
Do 1 de xaneiro de 2007 ao 31 de xaneiro de 2007
Este mes a sección “Fóra de serie” amosa un repertorio variado. A presenza da documentalista Mercedes Álvarez, responsable do curso de Cero en Conducta “A realidade como relato (El cielo gira)”, que se desenvolve no CGAI entre os días 15 e 19 de xaneiro, permítenos aproveitar unha revisión do seu filme “El cielo gira”, fito do documental nacional contemporáneo, premiado en prestixiosos festivais. Repescamos a película de Manoel de Oliveira “O espelho mágico”, como colofón á Mostra de cine portugués ao tempo que nos chega a longametraxe galega audaz e iconoclasta por antonomasia, “Bs.As.” de Alberte Pagán.
Agradecementos: Mercedes Álvarez, Alberte Pagán, IV Mostra Portuguesa.
EL CIELO GIRA
O ESPELHO MÁGICO
