![Ars Sonora](https://filmotecadegalicia.xunta.gal/sites/w_pcgai/files/styles/full_width_breakpoints_theme_cgai_xs_1x/public/memoria.jpg?itok=wZG8jIc0×tamp=1664170043)
Ars Sonora
Do 27 de setembro de 2022 ao 25 de outubro de 2022
En Tres (Juanjo Giménez), unha deseñadora de son comeza a sentir unha progresiva desincronía, primeiro no seu traballo, logo dunha forma máis acusada na súa vida cotián, ata o punto que acaba percibindo os sons con varios minutos de retardo. En Memoria (Apichatpong Weerasethakul), unha botánica escocesa que vive en Colombia escoita un violento son que primeiro a esperta e despois escoita cada vez con máis frecuencia, sen que saiba moi ben como identificalo nin adiviñe a súa orixe. Estas dúas películas de 2021 levan a propoñer un pequeno ciclo en torno ao son, facéndoas dialogar con dous clásicos do cine norteamericano: La conversación (Francis Ford Coppola) e Impacto (Brian de Palma), dúas películas que nos devolven ao clima conspiranoide que reinaba no cine (e a política) desa época, os anos sesenta e primeiros setenta. Completa o ciclo outro título moi recente, Geographies of Solitude, na que a cineasta Jacquelyn Mills viaxa ata a pequena illa de Sable (Canadá) para visitar á súa única habitante, a naturalista Zoe Lucas. Faino pertrechada de distintas cámaras de video e cinematográficas, pero tamén de micrófonos de contacto que lle permiten, por exemplo, rexistrar os sons dos insectos camiñando pola area para conformar a banda sonora da película.
Agradecementos. Juanjo Giménez, Luisa Romeo.
![Tres](https://filmotecadegalicia.xunta.gal/sites/w_pcgai/files/styles/large/public/tres_1.jpg?itok=R1W-t006)
Tres
![El moderno Sherlock Holmes](https://filmotecadegalicia.xunta.gal/sites/w_pcgai/files/styles/large/public/el_moderno_sherlock.jpg?itok=d0pLsFqU)
El moderno Sherlock Holmes
![La conversación](https://filmotecadegalicia.xunta.gal/sites/w_pcgai/files/styles/large/public/conversation-water.jpg?itok=ECxCGMBa)
La conversación
![Memoria](https://filmotecadegalicia.xunta.gal/sites/w_pcgai/files/styles/large/public/memoria_1.jpg?itok=KNIEiIvg)
Memoria
![Impacto](https://filmotecadegalicia.xunta.gal/sites/w_pcgai/files/styles/large/public/impacto-173259357-large.jpg?itok=VcDl5OeN)
Impacto
![Geographies of Solitude](https://filmotecadegalicia.xunta.gal/sites/w_pcgai/files/styles/large/public/geographies_solitude4.png?itok=kT9CGmQy)