O CLUBE DOS SEM TEITO

O CLUBE DOS SEM TEITO
(España, 2008)
Dirección, produción e fotografía: Claudia Brenlla. Guión: Claudia Brenlla e María Jesús Rodríguez. Duración: 65 minutos.
Barrio de elite da Pituba, cidade de Salvador de Baía, Brasil. No trazado do paseo marítimo da cidade, antes de chegar á famosa praia de Itapuá, chama a atención o edificio do Club Portugués. É dun complexo deportivo, cunha edificación principal rodeada de piscinas, canchas de tenis, un campo de fútbol e outras instalacións. O seu estado é moi triste: todo o que se pode ver reutilizouse á medida das necesidades dos seus actuais ocupantes: 85 familias pertencentes ao "movemento dos sen teito" de Salvador. Todas as instalacións están valadas por uns taboleiros rosados, sobre os que ondean un par de bandeiras coas siglas do MSTS.