Encontro con Pedro Pinho

• Share on twitter
• Share on facebook

A segunda sesión do ciclo ‘Territorios mutantes’, dedicada nesta ocasión á reflexión en torno ao poscolonialismo, propón un encontro co cineasta portugués Pedro Pinho. A partir da súa película O Riso e a Faca, que segue a un mozo enxeñeiro que chega a Guinea Bissau encargado dun proxecto de desenvolvemento asociado a unha ONG, a charla proponse como un espazo para dialogar sobre as consecuencias culturais, políticas, económicas e sociais do pasado colonial e do modo no que os seus efectos seguen presentes hoxe.