Sleepless Nights

• Share on twitter
• Share on facebook

Insomnes son as noites de Assaad Shaftari, o antigo oficial de alto rango dos servizos secretos da milicia das Forzas Libanesas, que sente a culpa dos seus actos durante a guerra civil, do mesmo xeito que as noites de Maryam Saidi: trinta anos despois, segue buscando ao seu fillo Maher, un mozo combatente comunista que desapareceu durante o sanguento conflito de 1982. Cun valor extraordinario, motivada polo esforzo de comprender e procesar as súas propias experiencias dos tráxicos acontecementos crave da historia moderna do seu país, a documentalista Eliane Raheb investiga ata que punto son posibles a redención, o perdón e a aceptación do miserable destino dun ser querido. Reflexiona sobre como, cando chega a guerra, un individuo «normal» se converte en combatente e estratego militar durante un tempo, para logo volver repentinamente á vida cotiá. En palabras da propia directora, ela mesma converteuse nun dos personaxes da película, investigando e mediando entre todas as partes que aparecen ante a cámara. (Karel Och, Karlovy Vary)