Racconto

• Share on twitter
• Share on facebook

O encontro e desencontro romántico entre unha modelo aristocrática e un actor é narrado de maneira complementaria por tres personaxes distintos e por ela mesma. Esa multiplicidade de puntos de vista enriquece a historia con varias capas sucesivas compostas por detalles do cotián e caracterización. O resultado é unha estrutura similar á dunha tea de araña (aínda que sen as connotacións ominosas): no centro o lugar máis definido e mellor cercado, está Ana, e ao seu redor, os personaxes máis próximos a ela, que son os tres narradores. Máis fóra quedan os outros, imprecisos mais o suficientemente presentes como para parecer vivos. Non dan a impresión de estar esvaecidos, senón de conservar misterios. Un prólogo dobremente enganoso parece posto aí para subliñar que, a pesar das aparencias, o relato non pretende, non pode ser máis que unha ficción.