The Shipwrecker

• Share on twitter
• Share on facebook

Adaptación da autobiografía do actor Sterling Hayden, onde Bühler se centra no episodio en que delatou a compañeiros ante o Comité de Actividades Estadounidenses. Pondo o acento na culpa e no cuestionamento a un mesmo, elementos que marcan fondamente o ensaio, o realizador decide contratar tres actores para o papel de Hayden: Burkhard Driest encárgase das pasaxes con diálogos, o músico e prominente membro do partido comunista Hannes Wader aparece en cámara e asume a parte narrativa da película, en canto Rüdiger Vogler recita monólogos reflexivos. Esta importancia da voz e da fidelidade ao texto, inspirada en certo modo nos filmes de Straub e Huillet, afástase dunha posta en escena dramática e o propio feito de contratar comunistas na Alemaña Occidental antes da caída do muro de Berlín, cando estaba sindicalmente prohibido, resulta toda unha declaración de intencións política que se mostra coma o espello europeo da caza de bruxas de Hollywood.