FÓRA DE SERIE

Continuamos coa recuperación de títulos clásicos restaurados en copias de calidade impecable co proxector 2K, servidor estándar DCP (Digital Cinema Package) de proxección dixital inaugurado o ano pasado. Desta vez dúas obras de referencia de Alfred Hitchcock, Vértigo (1958) e Psicosis (1960). A estrea de The Turin horse (20119, último e maxistral título do húngaro Béla Tarr, do que o CGAI fixo unha retrospectiva completa en 2009, súmase á celebración do centenario da eclipse solar acontecida o 17 de abril de 1912 –da que achegamos unha fotografía do estudo de José Sellier, figura senlleira do cine pioneiro realizado en Galicia-, ocasión para revisitar El eclipse (1962) de Antonioni e The yellow bank (2010) de John Paul Sniadecki, captación en China da eclipse máis longa do século XXI. O 21 aniversario do CGAI permite proxectar, con acompañamento musical do pianista Javier Pérez Castro, a copia restaurada de Metrópolis (1927) de Fritz Lang, que engade o valioso material atopado (20 minutos) en 2008 en Buenos Aires.
Agradecementos: Javier Pérez Castro, JP Sniadecki, Martin Pawley.