My Brother’s Wedding + When

My Brother’s Wedding
(EEUU, 1983)
Dirección, guión, produción e fotografía: Charles Burnett. Intérpretes: Everette Silas, Jessie Holmes, Gaye Shannon-Burnett, Ronald E. Bell, Dennis Kemper, Sally Easter. Dur.: 81'.
Nesta obra de realismo traxicómico, Pierce Mundy traballa na lavandaría de seus pais sen demasiadas perspectivas de futuro. Todos os seus amigos da infancia están mortos ou en prisión. O mellor amigo de Pierce, Soldier, acaba de saír do cárcere. O seu irmán máis vello, un prometedor avogado chamado Wendell, está ocupado cos preparativos da súa voda con Sonia, una estirada muller negra de clase media-alta. As obrigas de Pierce e o seu receo cara as capas altas da sociedade entran en conflito, sen saber que é o que realmente quere.

When
(EEUU, 1995)
Dirección, guión, produción, fotografía e montaxe: Charles Burnett. Intérpretes: Ayuko Babu, Kenny Merritt, Charles Bracy, Soul, R. Ray Barness. Dur.: 13'.
Un home (Ayuko Babu) con rastas e aviado cun dashiki, deambula polo barrio o día de Aninovo tratando de obter axuda para unha amiga cuxa débeda co caseiro podería facer que acabase na rúa cabo da súa filla. A voz do protagonista vai narrando historias persoais e reflexións sobre a relación entre o blues e o jazz.