Madre Teresa de los Gatos

MATKA TERESA OD KOTÓW / MADRE TERESA DE LOS GATOS
(Polonia, 2010)
Dirección e guión: Pawel Sala. Produción: Syrena Films e Rozwój Film Production. Intérpretes: Ewa Skiwinska, Mateusz Kosciukiewicz . Duración: 95 minutos.
Baseada nun feito real que causou grande asombro e confusión na sociedade polaca. Comeza coa detención de dous irmáns pola policía. Paweł Sala centra a súa narración nos días precedentes aos tráxicos acontecementos para revelar así os motivos dun crime cruel. Quen pode ser o responsable do colapso dunha familia totalmente disfuncional, en que cadaquén vive pelexando cos seus propios demos. Un pai atormentado polos efectos da guerra, unha nai que parece refuxiarse nos seus gatos antes de atender a súa familia e uns fillos de sentimentos descoñecidos. O espectador ten a liberdade de escoller as súas explicacións.