M. BUTTERFLY

M. BUTTERFLY
(Estados Unidos, 1993)
Dirección: David Cronenberg. Guión: David H. Hwang, sobre a súa propia obra teatral. Produción: Geffen Pictures. Fotografía: Peter Suschitzky. Intérpretes: Jeremy Irons, John Lone, Barbara Sukowa, Ian Richardson. Duración: 102 minutos.
En 1964, o contable da embaixada francesa René Gallimard namora da fermosa diva da ópera chinesa Song Liling. A pesar de que manteñen relacións, Song nunca se amosa espida de todo. Mentres, os franceses cren que Gallimard mantén boas relacións cos chineses e ascéndeno a vicecónsul. Baseada nunha obra teatral gañadora do premio Tony e inspirada nun feito real, é un drama amoroso impregnado de decisivos feitos históricos e políticos atravesado polo travestismo e o gusto pola ambivalencia tan propio do seu autor.