Lo imposible

LO IMPOSIBLE
(España, 2012)
Dirección: Juan Antonio Bayona. Guión: Sergio G. Sánchez, sobre a historia de María Belón. Produción: Apaches Entertainment, Telecinco, Mediaset, Canal+ España e La Trini. Fotografía: Óscar Faura. Intérpretes: Naomi Watts, Ewan McGregor, Tom Holland. Duración: 114 minutos.
Baseada na odisea dunha familia española, –sen nacionalidade na película– vítima do tsunami tailandés do Nadal de 2004. Unha produción española de trinta millóns de euros de orzamento, tres anos de traballo (un de preparación, un case enteiro de rodaxe e outro de posprodución), lanzouse a un histórico éxito económico. Alta dose de habelencia e mais retos técnicos impecablemente resoltos, ben aderezada e inzada de referencias ao cine de xénero, o filme foi dirixido por Juan Antoni Bayona, logo do éxito de El orfanato. Cun arranque espectacular, o relato presenta dous niveis: supervivencia e busca. A obsesión de Bayona pola infancia, os procesos de madureza e os lazos familiares desenvólvense aquí a modo de viaxe emocional. 6 Gaudí, 5 Goyas e unha nomeada ao Óscar (Naomi Watts).