Las vacaciones de M. Hulot

LAS VACACIONES DE M. HULOT / LES VACANCES DE MONSIEUR HULOT
(Francia, 1953)
Dirección: Jacques Tati. Guión: Jacques Tati e Henri Marquet, coa colaboración de Jacques Lagrange e Pierre Aubert. Produción: Cady-Films, Discina e Eclair-Journal. Fotografía: Jacques Mercanton, Jean Mousselle, A, Villard e Pierre Ancrenaz. Intérpretes: Jacques Tati, Nathalie Pascaud, Louis Perrault. Duración: 114 minutos.
Turistas de moitas nacionalidades pasan as vacacións no hotel dunha poboación costeira francesa. O período de ferias resulta tan monótono como a vida laboral, aínda que un dos veraneantes, o señor Hulot, coa súa peculiar conduta contribúe a animar a comunidade. Tati entra na modernidade introducindo o personaxe de Hulot, que logo proseguirá en varias longametraxes máis, e trazando sabiamente novas concepcións de tempo, ritmo e narración nun filme audaz, cheo de humor e pioneiro.