La maison des bois
Maurice Pialat, 1971
360’. Vídeo. Subt. Galego
LA MAISON DES BOIS
(Francia, 1970-1971)
Dirección: Maurice Pialat. Guión: René Wheeler, Maurice Pialat, Yves Laumet e Arlette Langmann. Produción: ORTF, Son et Lumière. Fotografía: Roger Duculot. Intérpretes: Pierre Doris, Jacqueline Dufranne. Duración: 360 minutos.
Obra maior e pouco coñecida do seu autor, La maison des bois é unha miniserie ou folletín ambientado en plena I Guerra Mundial (1914-1918), rodado en 16 milímetros e composto por sete episodios de duración desigual. A vida cotiá dunha serie de personaxes nunha pequena localidade francesa durante a guerra, entre eles dous gardas forestais, o pequeno Hervé, Albert Piccard ou Mamá Jeanne permite unha coidada e deliciosa composición de planos ben medidos, sen restricións e na liña de depuración narrativa habitual no seu autor, o que permite os estudos de corpos e o balanceo de actores filmados (entre eles o propio Pialat) no encadre cunha liberdade formal lonxe dos canons televisivos. O director recupera a Michel Tarrazon, o inesquecible cativo de L´enfance nue.