LA CONVERSACIÓN

THE CONVERSATION / LA CONVERSACIÓN
(Estados Unidos, 1974)
Dirección e guión: Francis Ford Coppola. Produción: Directors Company para Paramount Pictures. Fotografía: Bill Butler. Intérpretes: Gene Hackman, John Cazale, Allen Garfield. Duración: 113 minutos.
Harry Caul é un home tímido e solitario, coñecido como reputado técnico de seguridade privada. Os seus métodos de espionaxe permanecen en segredo. Harry, non obstante, garda un trauma debido a un incidente laboral do pasado, que lles causou a morte a tres persoas. Cando o director dunha grande empresa o contrata para a gravación aparentemente inofensiva de dous dos seus empregados, Harry Caul ten indicios de que o feito fatal se pode volver repetir. Un thriller mítico, intenso e minucioso, máis preto de Antonioni que do thriller clásico, que gañou a Palma de Ouro en Cannes, permanece como un dos grandes (e menos coñecidos) títulos de Coppola e integra un elenco espléndido que inclúe a Frederic Forrest, Harrison Ford e Robert Duvall.