Hoax_Canular

HOAX_CANULAR
Dominic Gagnon / 91 min. / 2013 / Canadá

Hoax_canular é unha película baseada en mentiras. A maior delas, esa de que mundo ía acabar o 21 de decembro de 2012. Os adolescentes que aquí aparecen vencen os seus medos inventando ameazas e desatando rumores sobre a fin do mundo coas súas webcams. Realizada a partir de máis de 70 horas de vídeos subidos a YouTube nunha soa noite, a véspera da gran Apocalipse, Hoax_canular é unha fonda reflexión sobre como, os máis novos, fan súa a angustia xerada polos medios. Atopamos unha amplísima variedade de reaccións, nunca sabemos onde acaba a parodia e onde comeza a sinceridade e, non obstante, a película consegue facer un vibrante e posible retrato dunha xeración nada na era dixital, cun maxistral achegamento ao web cinema direct. (Paolo Moretti)