CAI Produccións 1993

A cinta que se exhibe hoxe é unha selección dos traballos realizados por esta productora galega durante o pasado ano. O volume da súa producción durante ese período - 23 spots, 9 vídeos promocionais, 12 vídeos industriais e 41 programas para TVG - permítenos asegurar que veremos unha parte moi representativa da recente producción comercial de Galicia.

Para a presentación no CGAl, elaborouse unha montaxe especial na que, xunto a traballos completos, como Camino de Santiago...El viaje prometido, ou a película de promoción do Palacio de Congresos de La Coruña, visaremos tamén fragmentos destacados doutras produccións.

Todo iso aderezado moi ritmicamente con imaxes dos procesos de gravación e postproducción.

CAl Producciones é unha empresa de producción audiovisual, con sete anos de actividade no sector. Conta cun cadro de persoal de 11 especialistas nas distintas áreas de producción e compleméntase cun destacado equipo de colaboradores de todo o territorio nacional. Posúe medios propios «broadcast» para a realización integral de calquera tipo de programa.

A producción comercial é un tipo de audiovisual moi especializado, que precisa dos máis avanzados medios técnicos, dunha alta cualificación dos operadores e estar á vangarda das últimas creacións visuais que son, na maioría dos casos, as que demanda o cliente. Isto esixe un permanente estudio e máis a conexión cos principais centros de producción do país, para chegar a ofrecer os resultados esperados, no tempo previsto. CAl Producciones ten conseguido ese nivel de especialización, como o demosiran os traballos que hoxe se presentan, realizados para as principais exencias publicitarias de Galicia.