Xan e a Historia

• Share on twitter
• Share on facebook

Talentosa webserie que xa foi recoñecida en estado embrionario (premio ao mellor proxecto no Festival Carballo Interplay 2019). Explorando diversas vicisitudes ás que se ve exposto un personaxe soñador, apoucado e pasivo, Xan, asistimos a tres episodios autoconclusivos, que se poden ver de xeito independente, divertidos e variados, onde a Historia e certos personaxes adquiren protagonismo. Oportunidade para coñecermos parte da obra dunha nova e destacada figura, Lucía Estévez (Vigo, 1994), autora dalgunhas pezas estimables e con proxectos en marcha, a curta O neno sardiña ou o guión As defensas.