Trote

• Share on twitter
• Share on facebook

Filla de. Irmá de. Carme vive nunha aldea das montañas do interior de Galicia onda o seu pai Ramón, co que apenas se comunica, e a nai enferma. Traballa nunha panadería e precisa escapar dese ambiente opresivo, mais as circunstancias sempre lle impediron dar o paso. Trotar. Fuxir. Trote transcorre durante a fin de semana en que se celebra a Rapa das Bestas, a loita ancestral do home e do cabalo. A aldea comeza a prepararse para a festa. Luis, o seu irmán máis vello, volve á casa familiar por uns días coa súa parella María. Trote é a loita entre o home e o cabalo, entre a razón e o instinto. Primeira longametraxe de Xacio Baño, presentada nos festivais de Locarno e San Sebastián, un rigoroso retrato do mundo rural cheo de poderosas imaxes.