Short Films: 1975 (Parts 1-10)

• Share on twitter
• Share on facebook

Esta é unha serie de dez películas, á mantenta, sen título, separadas entre elas por varios pés de cola negra. Como me gustaría que se puidesen identificar individualmente, fornézovos os planos iniciais e finais de cada unha:

n.º 1: comeza coa cara dun neno en negativo azul e remata co plano dun ollo.

n.º 2: comeza con neve no vento, remata cunha lámpada de pé e luces da cidade.

n.º 3: comeza cunha paisaxe/atardecer na néboa, remata co peitoril dunha ventá.

n.º 4: comeza cun cuarto de baño con azulexos verdes, acaba coa imaxe dourada nun espello dun cameraman.

n.º 5: comeza coa parte traseira do asento dun avión, acaba con trazos horizontais de luz intensa.

n.º 6: comeza con luz marrón a través dun cristal de seixo, remata coa mecha dunha candea ardendo e rodeada de zarrapicadas douradas fervendo.

n.º 7: comeza cun mapache en luz rosada, acaba co rostro dun neno esvaecéndose.

n.º 8: comeza cun poste de luz branco, follas verdes de árbore e unha ventá, e remata coa luz pestanexante dunha ventá reflectíndose na parede marrón dun cuarto de motel.

n.º 9: comeza con rochas, o toro dunha árbore e plantas nun escintileo lumínico, remata cunha escena boscosa verde e dourada.

n.º 10: comeza co flash dun “lóstrego” gravado sobre a película, acaba cunha mancha móbil, a pantalla que se pecha cun fundido.

(Stan Brakhage)

___________________________

Retrato de Stan Brakhage por Kai Sibley (cortesía de Marilyn Brakhage).