Sesión de curtametraxes galegas

• Share on twitter
• Share on facebook

Escolma de curtametraxes que amosan a diversidade e a riqueza do cinema galego en formato curto producido en paralelo á evolución de A Cuarta Parede. A selección inclúe Paris #1 (2008), de Óliver Laxe, unha peza seminal que precedeu a creación desta cabeceira e simboliza a transición cara ao Novo Cinema Galego; Montaña en sombra (2012), de Lois Patiño, cuxos primeiros traballos contribuíron a abrir novas formas de mirar e narrar Galicia; Montañas ardientes que vomitan fuego (2016), da dupla de realizadores Helena Girón e Samuel Delgado, responsables dunha das filmografías experimentais máis sólidas e estimulantes da cinematografía galega, así como propostas máis recentes de autoras como Antía Carreira, con Formigón (2021), e Marta Valverde, con 30’ 70 60 120’ (2022), que continúan ampliando os límites do cinema contemporáneo galego e dando voz ás preocupacións das xeracións Z e millennial. Esta selección permite trazar unha liña temporal que ilustra a evolución estilística, narrativa e conceptual do cinema galego ao longo destes quince anos. A sesión estará moderada por Jesús Silva, director de A Cuarta Parede, e contará coa participación de varias das cineastas programadas.