Que me queres, amor?
Que me queres, amor?
- 14 minutos
Adaptación do relato de Manuel Rivas Que me queres, amor? Tino quere formar unha familia con Lola, unha caixeira de supermercado. Decide atracar un banco canda un amigo, mais na fuxida morre tiroteado.
- Ano:1998
- Países de produción: España
Que me queres, amor?, a película
Salvador Castro Otero
Cometeriamos unha grave inxustiza se intentásemos analizar a versión cinematográfica de Que me queres, amor? do mesmo xeito que as demais adaptacións das que nos ocuparemos neste traballo pois non se trata dunha realización profesional senón dun traballo de aula.
Alguén podería discutir a pertinencia de incluír nesta análise esta versión. Non obstante, existen razóns de peso para non excluíla. En primeiro lugar, trátase, ata onde nos foi posible indagar, da primeira adaptación dunha obra deste autor, motivo que, por si mesmo, sería suficiente. Mar Velasco no seu artigo de presentación na revista Madrygal escribe: “Desde a Universidade Complutense de Madrid, participamos dalgunha maneira, no que algún xa deu en chamar a hora cero do cine galego. [...] Tamén, dalgún xeito, nos adiantamos a José Luis Cuerda e Manuel Gutiérrez Aragón –que che é moito adiantar– na idea de levar ó cine un relato de Manuel Rivas”. [...]
A versión nace, como figura nos títulos de crédito, dun soño de Daniel Moisés Saéz e Ana Acuña. A profesora Ana Acuña propuxo aos seus alumnos de lingua galega, na Facultade de Filoloxía da Universidade Complutense do curso 97/98, levar adiante unha adaptación dunha obra de Manuel Rivas. [...] A curta foi rodada entre os meses de marzo e abril de 1998 e tivo como escenarios a Facultade de Filoloxía na que se improvisou o tanatorio, un supermercado de Madrid e o interior da casa dun alumno.
Tirado de O lapis da luz: reescrituras de Manuel Rivas no Cine, de Salvador Castro Otero (Vía Láctea, Fundación Wenceslao Fernández Flórez, 2018)