Programa II "POLÍTICA E VIDA COTIÁ"

• Share on twitter
• Share on facebook

1. MAX ALMY / "PERFECT LEADER" ("O LÍDER PERFECTO") / USA, 1983 / Dur.: 04:00

Nesta cinta unha computadora omnipotente crea o candidato perfecto, e no proceso percibimos unha perspectiva inequívocamente satírica sobre a elaboración da imaxe política e sobre a comercialización dun candidato.

2. MIKE HENTZ / "BAUSTELLE" ("AS OBRAS") / ALEMANIA, 1985 / Dur.: 03:40

Mike Hentz ("Minus Delta T") compara as impresións que lle produce un solar na India cunha liña de montaxe humana. Un impresionante documental artístico obtido a partir dunba viaxe ao Himalaya, proxecto "Minus Delta T".

3. KLAUS VON BRUCH / "DAS DUR PELLBAND" ("A CINTA DE DURACELL") / ALEMANIA, 1980 / Dur.: 10:04

A pila ábrese e péchase coma no famoso anuncio televisivo, co ruído de martelos petando. Este procedemento vaise intercalado con imaxes de violencia e destrucción, a explosión da bomba atómica de Nagasaki, Tokio bombardeado, víctimas da guerra. A pila convírtese nun símbolo da morte.

4. WOODY VASULKA / "THE ART OF MEMORY" ("A ARTE DA LEMBRANZA") / USA, 1987 / Dur.: 37:00

Meditación sobre a lembranza, o militarismo e os medios de comunicación. Tendo como fondo un solpor no deserto, imaxes da Segunda Guerra Mundial, da Guerra Civil Española e outras represéntanse a través de formas biomórficas tridimensionais.

5. GEORG MAAS / "10 3/4 ZOLL" ("10 3/4 DE PULGADA") / ALEMANIA, 1986 / Dur.: 04:00

O mundo dos sons nos traballos de construcción, organizados de forma rítmica en vídeo. Vídeo musical feito a partir de imaxes documentais e de sons de hormigón. A maquinaria do vídeo é a orquestra.

6. PETER CALLAS / "NIGHT'S HIGH-NOON: AN ANTI-TERRAIN" ("O APOXEO DA NOITE: UN ANTI-TERREO") / AUSTRALIA, 1988 / Dur.: 07:26

Retrato das lembranzas sublimadas na construcción cultural da identidade Australiana contemporánea.

7. PAUL GARRIN / "FREE SOCIETY" ("SOCIEDADE LIBRE") / USA, 1988 / Dur.: 03:22

Collage electrónico no que se representan a gloria e a brutalidade castrenses. Imaxes de policías e militares desfilando contrapóñense con imaxes sobre disturbios en diversos lugares do mundo, entre os que se incluen Sudáfrica, Corea do Sur, Irlanda do Norte e outros.