O sangue

• Share on twitter
• Share on facebook

O debut de Pedro Costa, un filme con Nicholas Ray, Bresson, Malas tierras e La noche del cazador (entre outras exquisitas referencias) no punto de mira. Vicente, de 17 anos, e o seu irmán Nino, de 10, arránxanse sós durante as ausencias de seu pai. A súa nai non está nin se espera que volva. Cando o pai lisca para non regresar, ambos os dous agóchano e seguen coas súas vidas. Mais unha violenta herdanza dos nada limpos negocios do pai axéxaos, e úneos a Clara, traballadora da escola coa que formarán unha familia clandestina.