Nubes de verano

• Share on twitter
• Share on facebook

Yae é unha campesina viúva que vive co fillo baixo o asfixiante control da súa sogra. A chegada de Okawa, un xornalista de cidade, supón unha esperanza de felicidade e independencia. Entrementres, o irmán máis vello, que vive aferrado á terra, trata de dirixir o futuro dos seus tres fillos, tentados polo mundo urbano. Abórdase así o tema típico do cine clásico xaponés: os conflitos xeracionais, en boa parte causados polo desenvolvemento económico, todo enmarcado na dicotomía campo-cidade. Este filme supuxo un cambio para Naruse. Coñecido polos seus retratos de mulleres urbanas, esta película foi o seu primeiro achegamento á vida rural e, tamén, a primeira que filmaba en cor e en formato panorámico. A historia céntrase nos cambios drásticos que aconteceron no Xapón rural da posguerra a causa da reforma agraria e do alto crecemento económico, que abriron unha inmensa fenda xeracional. Porén, no centro segue a estar o tema predilecto de Naruse: unha muller solteira que pelexa contra a contorna social onde está atrapada.

Fotografía Copyright 1958 Toho Co., Ltd.