Nostos-Il retorno

• Share on twitter
• Share on facebook

Tras se guindar a rexións de marabillas sobrenaturais e saír triunfante, “o heroe volta desta misteriosa aventura co poder de outorgar favores aos seus semellantes”, conta Joseph Campbell sobre a estrutura do monomito, isto é, o mito único, partillado por todas as culturas primixenias, que fala da viaxe do heroe. Louvado por Homero e por tantos outros, Ulises, o guerreiro que volve á casa, é un dos moitos avatares deste arquetipo que en mans de Franco Piavoli se mostra nos seus vimbios mínimos e á vez cunha expresividade subxugante. En Nostos Il Retorno hai ecos de Eisenstein, Caravaggio, Jean Vigo, Tarkovski…, mais sobre todo un amor absoluto polo Mediterráneo en tanto que berce da nosa cultura e como escenario dunha alquimia única entre a luz, o ceo e o mar. [Paula Arantzazu Ruiz/FICX]