No Intenso Agora

• Share on twitter
• Share on facebook

No Intenso Agora xorde do achado de películas caseiras rodadas en China en 1966, durante a fase inicial, e máis aguda, da Revolución Cultural. Nesta película abórdase a natureza efémera dos momentos de grande intensidade. Ás escenas de China, súmanse imaxes dos acontecementos vividos en 1968 en Francia, Checoslovaquia e, en menor medida, en Brasil, a partir das cales, e como é habitual no cine de ensaio, se pretende investigar a evolución das persoas que participaron nos acontecementos logo de que se arrefriasen as paixóns. As imaxes, de arquivo na súa totalidade, revelan non só o estado de ánimo das persoas que aparecen na filmación (alegría, encantamento, medo, decepción, desalento), senón tamén a relación entre o documento e a conxuntura política. Que se pode dicir de París, Praga, Río de Janeiro e Beixín baseándonos nas imaxes daquel período? Por que cada unha destas cidades produciu un tipo concreto de documento? (DocumentaMadrid)