La ventana indiscreta

• Share on twitter
• Share on facebook

Jeff, un reporteiro fotográfico cunha perna escaiolada, trata de romper o aburrimento espiando cun teleobxectivo a vida dos veciños do patio do seu bloque. Algúns indicios apuntan a que o estraño comportamento dun deles pode esconder mesmo un asasinato. “La ventana indiscreta é seguramente a película tecnicamente máis hábil e máis perfecta de Alfred Hitchcock. Ata a continuidade na toma de vistas de La soga non constituía unha fazaña comparable coas múltiples dificultades técnicas resolvidas aquí por Hitchcock. A idea inicial do guion é aquí unha concepción da ‘posta en escena’ cuxa execución se subdivide en varias series de problemas técnicos sobre a construción do decorado, da toma de vistas e do son.” (André Bazin)