La Habanera

• Share on twitter
• Share on facebook

Durante un cruceiro a Porto Rico coa tía Ana, Astrée Sternhjelm, namórase a primeira vista dun gran terratenente local, don Pedro de Ávila. Deixa o barco e casa con el. Dez anos despois o matrimonio está desfeito. Astrée está soa e desesperada, odia o sol e a calor e ten o seu único fillo como solaz. Chega un doutor sueco novo, Sven Nagel, para investigar unha misteriosa epidemia que Don pedro intenta ocultar.
“Fomos a Tenerife, que estaba en mans franquistas, para rodala. Era no medio da Guerra Civil Española. Era terrible o que estaba pasando alí: había un enorme campo de concentración, algo que eu non vira en Alemanña. Era sinxelamente horrible.
(…) Mais volvendo á propia película, esta era outra mostra do que chamei crítica social.O personaxe de Ferdinand Marian (don Pedro) co que casa Zarah Leander, é o dono de toda a illa e trata de ocultar unha praga que a está estragando, porque se aliou coas grandes compañías froiteiras americanas e pensa que se no estranxeiro a xente sabe da praga deixará de comprarlle a froita. Era unha película anticapitalista, cousa que caía ben na Alemaña naquel momento.” (Jon Halliday, Douglas Sirk por Douglas Sirk).