Jeanne Dielman, 23 Quai du Commerce, 1080 Bruxelles

• Share on twitter
• Share on facebook

Irrompemos na rutina doméstica diaria dunha muller, case sempre oculta, abafante. Coñecemos a Jeanne por primeira vez a pesar de que a súa historia comezou hai moito tempo. Casou aos 20 anos, e enviuvou ao pouco de dar a luz o seu fillo. Jeanne ten unha vida perfectamente organizada, meticulosamente ritualizada, que non deixa espazo para a improvisación. Os ritos e os ritmos do inmutable, unha enerxía que se renova e se destrúe cada día. A aparente trivialidade da acción desaparece a prol da súa abstracción. Este traballo, executado en silencioso illamento e sen sentido ningún da realidade, dá a sensación de que debe ser cumprido e que é tan só unha insignificante maneira de sobrevivir.