Ibun sarutobi sasuke (O samurai espía)

Masahiro Shinoda, 1965

Koji Takahashi, Eiji Okada, Seiji Miyaguchi, Kei Sato, Jun Hamamura, Yasunori Irikawa, Shintaro Ishihara.

88 min.

Un filme chambara ou de espadachíns cun ton claramente político, que serve a Masahiro Shinoda para reflectir a inestabilidade social de Xapón da época e como esta situación avolta produce unha fonda desorientación nas xeracións máis novas. En concreto, o director transpórtanos aos anos posteriores á Batalla de Sekigahara (1600) en que o clan Tokugawa está construíndo unha hexemonía que duraría máis de dous séculos e medio. O protagonista do filme, un espía ao servizo dun pequeno clan, vese mergullado nunha loita de poder onde non ten claro de que parte debe estar.