I legionari italiani in Catalogna

• Share on twitter
• Share on facebook

O documental, realizado pola sección cinematográfica do Corpo Truppe Volontarie, é o único en cubrir a campaña ao norte de Barcelona, a última protagonizada polo CTV. Faino con imaxes de sólida factura e cunha formulación orixinal, quizais porque mesmo as dúas cámaras civís que integraban a sección traballaron conxuntamente cos militares. A cámara, ademais, estivo situada na liña de fogo. O que nos brinda un catálogo máis amplo que nunca da maquinaria empregada no conflito. O filme, un dos máis logrados de entre os producidos desde a Italia fascista sobre a guerra civil española, preséntase en estrea mundial neste ciclo.