The Grand Bizarre
- 60 minutos
Filmada ao longo de cinco anos e en varios países, este diario de viaxe centrado na roupa móstranos centos de materiais téxtiles e estampados bailando en distintas localizacións, como México, Marrocos ou a India. Unha película animada feita literalmente con roupa, onde os motivos mestúranse entre si e tamén coas paisaxes, creando ritmos e asociacións incribles. Trátase da primeira longametraxe da animadora experimental Jodie Mack, quen, ademais de mostrar as súas curtas en festivais e museos de todo o mundo, foi escollida en 2018 para crear unhas animacións nas pantallas xigantes de Times Square. (Catálogo Xcèntric 2019, CCCB). Filmada en 16 mm, The Grand Bizarre proxéctase por vez primeira en España en 35 mm.
- Ano:2018
- Países de produción: Estados Unidos