A falecida

• Share on twitter
• Share on facebook

Baseada na peza de teatro homónima de Nelson Rodrigues, A falecida é a historia dunha alienación. Zulmira desexa morrer e soña cun funeral de luxo que ha redimir dunha vida baleira e miserable. Coa interpretación notable de Fernanda Montenegro no seu primeiro papel cinematográfico, e con guión de Leon Hirszman e Eduardo Coutinho, a película expón a apatía, o estancamento e a degradación das clases medias dos suburbios cariocas.

«Fixeime n' A falecida, unha peza que trataba sobre a alienación dunha muller cuxo marido está desempregado. Ela pasa a vivir unha realidade interior, obsesionada pola morte, pola autodestrución, para se vingar dunha sociedade que a oprime. Non se trataba tan só dunha aberración, senón dun discurso máis amplo. A historia combinaba unha dimensión psicoanalítica, persoal, e unha dimensión social. A traxedia da autodestrución dunha muller por mor da súa represión sexual conmovíame. En A falecida atopei a convivencia co suburbio, o desemprego, a alienación, a presenza do fútbol, valores que me eran moi próximos. Por iso namorei dela e quixen filmala». Leon Hirszman

Agradecemos a colaboración dos herdeiros de Joffre Rodrigues.