El Grúfalo

• Share on twitter
• Share on facebook

*A partir dos 4 anos

Un ratiño pasea alegremente polo bosque. Ten moita fame, así que decide ir buscar abelás para se dar un bo festín. Polo camiño topa cun raposo, un bufo e unha serpe tan famentos coma el. Os tres o queren convidar a comer a cadansúa casa, mais o rato, que non se fía para nada das intencións deles, moi amablemente declina as invitacións porque quedou co… co grúfalo! Mais, que é un grúfalo?

Premiada no festival de Annecy e nomeada co Óscar á mellor animación, El grúfalo é un programa de dúas curtametraxes (El grúfalo e La hija del grúfalo), adaptacións do clásico da literatura infantil homónimo creado pola escritora británica Julia Donalson e o ilustrador Axel Scheffler.