El caso de Thelma Jordon

• Share on twitter
• Share on facebook

Clive é o axudante do fiscal do distrito e abomina do seu sogro, un prestixioso xuíz, ao que lle debe o seu traballo. Unha noite, frustrado e bébedo, coñece unha muller, Thelma Jordon, coa que deseguida comezará unha relación. A morte violenta da tía de Thelma axitará todo o seu mundo. Disección amorosa con doses de melodrama xudicial, o último título noir estadounidense de Siodmak, asinado para a Paramount, aglutina como poucos boa parte das súas preocupacións temáticas, desde os lindeiros da paixón ata a duplicidade das aparencias, pasando polo equívoco dos sentimentos, a confortabilidade suicida dos corsés sociais ou a ruptura das convencións morais. Demostración palpable de que Barbara Stanwyck é unha das actrices máis impresionantes do cine clásico, a narración amosa as repeticións e variantes que o autor aplicaba no seu cine.