El capitán Blood

A historia (...) repousa en demasía sobre o personaxe protagonista, por culpa dunha interpretación equivocada do plantexamento Star-System, desperdiciándose suxerencias colaterais e personaxes secundarios repletos de posibilidades (...) Lionel Atwill, Henry Stephenson, J. Carroll Naish e Donald Meek (este último a penas entrevisto, para frustración do bo cinéfilo) sen a menor dúbida son varios dos mellores intérpretes de composición con que contou Hollywood durante a «política dos estudios», e aqui brillan á súa altura habitual. Pero o singular Basil Rathbone os eclipsa olimpicamente coa súa non por episódica menos inesquecible caracterización de pirata francés, sempre nos límites da caricatura na súa fusión de perversidade e afectación, ata o extremo de que a bo seguro inspirou o deseño do capitán Garfo no inmortal Peter Pan (1953), producido por Walt Disney. A todas luces, o duelo de esgrima que este sostén con Flynn nunha praia rocosa constitúe unha das pasaxes máis sabrosas de Captain Blood, e resiste a comparación coas demais secuencias análogas protagonizadas por Rathbone, non en van experto persoal en esgrima, desde a outra mantida novamente con Errol Flynn en The Adventures of Robin Hood (1938), ata, a xenial, con Tyrone Power que culminaba The Mark of the Zorro (1940), de Rouben Mamoulian.