Barry Lyndon

• Share on twitter
• Share on facebook

Na Irlanda do siglo XVIII, Redmond Barry é educado pola nai tras a morte de seu pai nun duelo. Namórase da súa prima Nora e foxe crendo que matou un pretendente dela. Participa na Guerra dos Sete Anos. Ao regresar, nunha mesa de xogo coñece unha condesa moza, lady Lyndon. Ávido lector, a Kubrick atráenlle as posibilidades das narracións de William Thackeray e adapta este relato de ascensión social onde fai convivir a macro e a microhistoria, mediante o uso acompasado de pezas musicais de novo clásicas e o pioneiro emprego de lentes Zeiss coordinado por John Alcott para as escenas iluminadas con candeas. Guiado pola vontade de recreación mais a busca de beleza estética, en Barry Lyndon o director e o equipo ofrécennos visualmente e sen rodeos o século XVIII. Ou en boca de Kubrick, “as películas históricas teñen en común coa ciencia-ficción que tentan recrear algo que non existe”.