April

• Share on twitter
• Share on facebook

Nina practica abortos ilegais nunha zona rural de Xeorxia, moi marcada por unha moral ortodoxa. Comezan a investigala e toda a súa vida é posta baixo escrutinio, alén da súa práctica médica, que segue a desenvolver con cautela.

Dea Kulumbegashvili, quen irrompera no festival de Donostia en 2020 con Beginning – Cunha de Ouro –, obra que xa exploraba o integrismo relixioso e a violencia sistémica contra a muller; segue en April a traballar na mesma área de Xeorxia, de onde é orixinaria – Lagodekhi, ante a cordilleira caucásica –. O aborto no país é penado baixo todos os supostos, polo que as mulleres deben recorrer a métodos fóra da lei. A fita rodouse de xeito clandestino, sen permisos de ningún tipo e tentando non chamar a atención das autoridades, para lograr o retrato fidedigno que a directora quería.

A súa cámara, seguindo á actriz Ia Sukhitashvili en todo momento cun estilo seco e opresivo, no que continúa a traballar co fóra de campo para crear tensión, e introducindo desta volta pinceladas de fantástico, consegue crear unha atmosfera terrorífica.

Premio especial do xurado en Venecia.