Alarma en el expreso

• Share on twitter
• Share on facebook

Nun hotel de montaña nos Balcáns, os viaxeiros dun tren bloqueado pola neve reúnense para pasaren a noite. Entre eles está Iris Henderson, unha rapaza que se encontra de vacacións e que contraerá matrimonio ao regresar a Londres. Iris traba amizade coa Sra. Froy, unha institutriz, ao tempo que coñecen un compositor, Gilbert. A alegría da noite dá paso a un estraño asasinato e á propia desaparición da Sra. Froy. Iris pide que se abra unha investigación en canto o tren reinicia o seu camiño. “Todo o mundo sabe que The Lady Vanishes é un clásico de suspense, pero é, ademais, a mellor comedia de Hitchcock. Dame May Whitty está sinxelamente perfecta no seu papel da velliña Sra. Froy. Margaret Lockwood é case tan boa no papel da moza que pasa a maior parte da película buscándoa. Todo isto ten lugar na viaxe transeuropea en tren mellor levada nunca á pantalla. Aínda que de menor resonancia que algúns dos posteriores filmes de Hitchcock, poderíase argumentar que é o máis delicioso de todos eles” (Michael Goodwin, Take One).