FELIZ ANIVERSARIO, SR. MOGRABI

YOM HULEDET SAME´ACH MAR MOGRABI / HAPPY BIRTHDAY, MR. MOGRABI / [FELIZ ANIVERSARIO, SR. MOGRABI]
(Israel-Francia, 1999)
Dirección e guión: Avi Mograbi. Produción: Avi Mograbi Production, Les Films D´Ici. Fotografía: Avi Mograbi, Eytan Harris, Ron Katzenelson, Itzik Portal, Yoav Gurfinkel, Oded Kimhi, Yoav Dagan. Intérpretes: Avi Mograbi, Ido Berger, Giddi Dar. Duración: 77 minutos.
Tres historias paralelas entre si. Avi Mograbi, un cineasta documental, é contratado por un produtor de cine para facer un filme en torno ás celebracións do 50 aniversario de Israel. Por outro lado, un produtor de cine da autoridade palestina contacta con Mograbi: eles tamén marcan outro 50 aniversario, o da orixe do problema dos refuxiados palestinos. Mograbi, pola súa banda, conta a través da súa cámara unha historia sobre si mesmo, a compra dunha parcela nas aforas da cidade coa intención de mellorar a súa calidade de vida e alcanzar o soño israelí...