EL VALLE DEL FUGITIVO

TELL THEM WILLIE BOY IS HERE / EL VALLE DEL FUGITIVO
(Estados Unidos, 1969)
Dirección e guión: Abraham Polonsky. Produción: Universal Pictures. Fotografía: Conrad Hall. Intérpretes: Robert Redford, Katharine Ross, Robert Blake. Duración: 98 minutos.
Willie Boy é un indio americano que regresa á súa terra na procura da súa moza, unha rapaza branca. O pai dela, incapaz de aceptar a relación, cando os descobre xuntos intenta agredir a Willie Boy que o mata en defensa propia, polo que ten que fuxir da xustiza. Segunda das tres longametraxes do autor proscrito Abraham Polonsky (1910-1999), adscrita a algúns dos westerns desmitificatorios e crepusculares do final da década dos 60.